Hiran Apna Wada Poora Karti Ha | Urdu Quotes

Hiran Apna Wada Poora Karti Ha....

Rasool Akrm (ﷺ) Aik Martaba Aik Waadi Se Guzar Rahay They Ke Aap Neh Aik Aawaz Suni :

 Ya Rasool (ﷺ) !

Aawaz Sun Kar Huzoor (ﷺ) Neh Grdopish Par Nazar Dorhayi Magar Koi Shakhs Nazar Nahi Aaya. Huzoor (ﷺ) Agay Barhay To Phir Wohi Aawaz Sunai Di. Huzoor (ﷺ) Aawaz Ki Janib Gaye To Dekha Ke Aik Hirni Rassiyon Se Bandhi Hui Hai Aur Qareeb Hi Aik Budu Sooraj Ki Dhoop Mein Para So Raha Hai. Hirni Neh Kaha :

Ya Rasool (ﷺ) ! Is Budu Neh Mujhe Shikaar Karliya Hai. Is Waadi Mein Mere Do Chhootay Chhootay Bachay Hain. Agar Ap (ﷺ) Mujhe Khol Den To Mein Inhen Doodh Pila Kar Wapas Aa Jaoon Gi.

Huzoor (ﷺ) Neh Farmaya :

Kya Waqai Aisa Karo Gi ?

Hirni Neh Jawab Mein Arz Kiya Agar Mein Apna Wada Poora Nah Karo To Allah Mujhe Azaab Se Halaak Kere. Huzoor (ﷺ) Neh Hirni Ki Rasiyaan Khol Kar Usay Azad Kar Diya. Woh Daurti Hui Gayi Aur Apne Bachon Ko Doodh Pila Kar Wapas Aa Gayi. Is Ki Wapsi Ke Baad Rasool (ﷺ) Hirni Ko Dobarah Rassiyon Se Bandh Rahay They Ke Budu Ki Aankhh Khul Gayi. Is Ne Rasool (ﷺ) Ko Pehchan Liya Aur Arz Kiya. Ya Rasool (ﷺ) ! Mein Ne Thori Der Pehlay Yeh Hirni Pakri Thi. Kya Ap (ﷺ) Ko Is Ki Zaroorat Hai? Huzoor (ﷺ) Ne Farmaya : Haan Mujhe Is Ki Zaroorat Hai. Is Par Budu Ne Kaha To Phir Ap (ﷺ) Bakhushi Usay Le Len. Rasool (ﷺ) Ne Hirni Ko Azad Kar Diya. Is Par Hirni Itni Khush Hui Ke Rasool (ﷺ) Ke Gird Dornay Lagi. Thori Der Baad Woh Khushi Se Zameen Par Paon Maarny Lagi. Is Ke Baad Woh Allah Ki Wahdaniyat Aur Rasool Ki Risalat Ki Gawahi Deti Hui Wahan Se Rukhsat Ho Gayi.....